Մի շարք բրազիլացի ֆուտբոլիստներ, հնարավոր է, ստանան Իտալիայի քաղաքացիություն

Մի շարք բրազիլացի ֆուտբոլիստներ, հնարավոր է, ստանան Իտալիայի քաղաքացիություն

26/11/2021 - 15:51

Իտալիայի ֆուտբոլի ֆեդերացիայի նախագահ Գաբրիելե Գրավինան նշել է, որ ֆեդերացիան հետաքրքված է մի շարք բրազիլացի ֆուտբոլիստների` Իտալիայի քաղաքացիություն տրամադրելու և նրանց հավաքական հրավիրելու գաղափարով.

«Ֆեդերացիան հետաքրքրված է և հետևում է այն բոլոր ֆուտբոլիստներին, որոնք կարող են հրավեր ստանալ հավաքականի կողմից։

Մենք աշխատում եմ երեք դիրքի ամրապնդման ուղղությամբ, և այդ գործընթացն ընթացքի մեջ է։

Ամեն դեպքում, մարզիչն է որոշում` ում հրավիրի հավաքական, ում` ոչ. մենք միայն լուծում ենք թղթաբանական խնդիրները»,- նշել է Գրավինան, ում խոսքերը մեջբերում է TMW-ն։

Աղբյուրի փոխանցմամբ` հնարավոր է` Իտալիայի քաղաքացիություն ստանան Լուիս Ֆելիպեն («Լացիո», կենտրոնական պաշտպան), Ռոջեր Իբանյեսը («Ռոմա», կենտրոնական պաշտպան) և «Կալյարիի» հարձակվողական ոճի կիսապաշտպան Ժոաո Պեդրոն։

Հավելենք, որ Իտալիայի ֆուտբոլի ֆեդերացիան մտադիր է վերոնշյալ ֆուտբոլիստներին հրավիրել հավաքական` մասնակցելու 2022 թ. մարտին կայանալիք ԱԱ-2022-ի որակավորման փլեյ-օֆֆ փուլի հանդիպումներին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022