Հիասքանչ ֆուտբոլ Հայֆայում. Մաքքաբին գոլառատ խաղում հաղթեց Ցրվենա Զվեզդային 🎥

Հիասքանչ ֆուտբոլ Հայֆայում. Մաքքաբին գոլառատ խաղում հաղթեց Ցրվենա Զվեզդային 🎥

18/08/2022 - 00:57

Չեմպիոնների լիգայի որակավորման փլեյ-օֆֆ փուլի առաջին խաղում «Մաքքաբի Հայֆան»` «Սեմի Օֆեր» մարզադաշտում, մրցեց սերբական «Ցրվենա Զվեզդայի» դեմ։

Հանդիպումը բավական ակտիվ էին սկսել տանտերերը, ովքեր 18-րդ րոպեին Ֆրանցդի Պիերոյի խփած գոլի շնորհիվ բացեցին հաշիվը։

Այդուհանդերձ, Դեյան Ստանկովիչի թիմը չընկճվեց բաց թողած գոլից և նախքան ընդմիջման գնալը ոչ միայն հավասարեցրեց, այլև առաջ անցավ հաշի մեջ։

Նախ 27-րդ րոպեին աչքի ընկավ Ալեքսանդր Պեշիչը, ապա 40-րդ րոպեին` Գելոր Կանգան։

Կողմերն ընդմիջման գնացին 2:1 հաշվի պայմաններում։

Երկրորդ կեսի հենց մեկնարկից «Մաքքաբիի» ֆուտբոլիստները նետվեցին առաջ` հետ բերելու կորցրածը, ինչն էլ տվեց իր արդյունքը, քանի որ տանտերերը կարողացան բեկել հանդիպման ընթացնքն ու կամային հաղթանակ տոնել։

Բարակ Բախարի թիմի կազմից 51-րդ ու 60-րդ րոպեներին գոլի հեղինակ դարձան համապատասխանաբար Ֆրանցդի Պիերոն ու Տիրոն Շերին։

Այսպիսով, «Մաքքաբի Հայֆան» համառ պայքարում 3:2 հաշվով հաղթեց «Ցրվենա Զվեզդային»։

Հավելենք, որ այս դիմակայության պատասխան հանդիպումը կկայանա օգոստոսի 23` Բելգրադում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022