Կրքոտ երեկո Հռոմում. «Արծիվները» գոլառատ խաղում հաղթեցին «գայլերին»🎥

Կրքոտ երեկո Հռոմում. «Արծիվները» գոլառատ խաղում հաղթեցին «գայլերին»🎥

26/09/2021 - 22:13

Իտալական Ա սերիայի 6-րդ տուրի շրջանակում կայացավ հռոմեական հերթական դերբին. «Լացիոն» մրցեց «Ռոմայի» դեմ։

«Լացիոյի» ֆուտբոլիստները շատ ակտիվ սկսեցին հանդիպումը և միանգամից երկու գնդակի առավելություն ստացան. 10-րդ րոպեին աչքի ընկավ Սերգեյ Միլինկովիչ-Սավիչը, իսկ 19-րդ րոպեին` Պեդրին։

Բաց թողած երկրորդ գոլից հետո Ժոզե Մոուրինիոյի սաները տիրեցին նախաձեռնությանը, ստեղծեցին մի քանի գոլային պահեր, և 41-րդ րոպեին Ռոջեր Իբանյեսի ջանքերով կրճատեցին հաշվի տարբերությունը։

Կողմերն ընդմիջման գնացին «Լացիոյի» նվազագույն առավելության պայմաններում` 2:1։

Հանդիպման երկրորդ խաղակեսի մեկնարկն ընթանում էր հիմնականում հանգիստ պայքարում, սակայն «արծիվները» 63-րդ րոպեին վերականգնեցին երկու գնդակի առավելությունը, իսկ գոլի հեղինակ դարձավ Ֆելիպե Անդերսոնը։

Հանդիպման մնացած ժամանակահատվածում «Ռոմայի» ֆուտբոլիստներին հաջողվեց միայն հետ բերել մեկ գնդակ. 69-րդ րոպեին գոլի հեղինակ դարձավ Ժորդան Վերետուն` դիպուկ իրացնելով 11-մետրանոց հարվածը։

Այսպիսով, «Լացիոն» համառ պայքարում 3:2 հաշվով հաղթեց «Ռոմային», վաստակեց 11 միավոր և բարձրացավ 6-րդ հորիզոնական։

«Ռոման» մնաց 12 միավորով և զբաղեցնում է 4-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor