Լևանդովսկի. «Իմ դարաշրջանն ավարտվել է Բավարիայում»

Լևանդովսկի. «Իմ դարաշրջանն ավարտվել է Բավարիայում»

31/05/2022 - 14:32

«Բավարիայի» հարձակվող Ռոբերտ Լևանդովսկին հայտարարել է, որ այլևս չի ցանկանում հանդես գալ մյունխենյան ակումբի կազմում։

«Իմ դարաշրջանն ավարտվել է «Բավարիայում»։ Այլևս չեմ տեսնում հնարավորություն կարիերաս այս ակումբում շարունակելու համար։

«Բավարիան» լուրջ ակումբ է, և ես հավատում եմ, որ չեն պատրաստվում ստիպողաբար պահել ինձ։ Ես չեմ ցանկանում այլևս այստեղ խաղալ։

Իմ տրանսֆերը լավագույն լուծումն է։ Հուսով եմ` ակումբն ինձ չի կանգնեցնի»,- լեհ հարձակվողի խոսքերը մեջբերում է ինսայդեր Ֆաբրիցիո Ռոմանոն։

Հավելենք, որ 33-ամյա ֆուտբոլիստի ու «Բավարիայի» միջև գործող պայմանագիրն ավարտվում է 2023 թ. հունիսի 30-ին, իսկ նրա հաջորդ հավանական ակումբը «Բարսելոնան» է, որը լրջորեն հետաքրքրված է Լևանդովսկիի ծառայություններով։

Հիշեցնենք, որ Ռոբերտ Լևանդովսկին «Բավարիայի» կազմում հանդես է գալիս 2014 թ. հուլիսից, որի մարզաշապիկով անցկացրել է 374 հանդիպում` դառնալով 344 գոլի և 72 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022