Իտալիան անչափ կարևոր միավորներ կորցրեց, Շվեյցարիան ջախջախեց Բուլղարիային🎥

Իտալիան անչափ կարևոր միավորներ կորցրեց, Շվեյցարիան ջախջախեց Բուլղարիային🎥

16/11/2021 - 01:48

Աշխարհի 2022 թ. առաջնության որակավորման փուլի վերջին` 10-րդ տուրում Իտալիայի հավաքականը C խմբի շրջանակում հյուրընկալվելիս մրցեց Հյուսիսային Իռլանդիայի ընտրանու դեմ։

Չնայած Ռոբրետո Մանչինիի սաները ողջ հանդիպման ընթացքում ունեին տարածքային ու խաղային առավելություն, միևնույնն է, չկարողացան կոտրել մրցակցի դիմադրությունը. գրանցվեց 0:0 հաշիվհը։

Հանդիպման հերոսը դարձավ հյուսիսիռլանդացիների դարպասահ Բեյլի Պիկոկ-Ֆարելը, ով 7 սեյվ գրանցեց իր անվան դիմաց։

Այս խմբում զուգահեռաբար ընթացող խաղում Շվեյցարիայի ընտրանին սեփական հարկի տակ մրցեց Բուլղարիայի դեմ։

Տանտերերը գոլազուրկ առաջին կեսից հետո 4 անպատասխան գնդակ ուղարկեցին բուլղարացիների դարպասը. մեկական անգամ աչքի ընկան Նոա Օկաֆորը, Ռեմո Ֆրոյլերը, Ռուբեն Վարգասն ու Սեդրիկ Իտենը։

C խումբը վերջնական ստացավ հետևյալ տեսքը.

  1. Շվեյցարիա – 18 միավոր
  2. Իտալիա – 16 միավոր
  3. Հյ. Իռլանդիա – 9 միավոր
  4. Բուլղարիա – 8 միավոր
  5. Լիտվա – 3 միավոր

Այսպիսով, Շվեյցարիան օգտվեց Իտալիայի սայթաքումից և շրջանցեց վերջինիս մրցաշարային աղյուսակում` բարձրանալով առաջին հորիզոնական ու նվաճելով ԱԱ խմբային փուլի ուղեգիր. «սկուադրա աձուրին» հանդես կգա որակավորման փլեյ-օֆֆ փուլում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022