Ըմբշամարտի ԱԱ. Արման Անդրեասյանը սփոփիչ գոտեմարտ կանցկացնի

Ըմբշամարտի ԱԱ. Արման Անդրեասյանը սփոփիչ գոտեմարտ կանցկացնի

16/09/2022 - 10:05

Սերբիայի մայրաքաղաք Բելգրադում շարունակվում է ըմբշամարտի աշխարհի առաջնությունը։

Սեպտեմբերի 15-ին պայքարն սկսեցին 70 կգ քաշային կարգի ազատ ոճի ըմբիշները, որի շրջանակում Հայաստանը ներկայացնում է Արման Անդրեասյանը։

Արմանը մեկնարկեց 1/8 եզրափակիչից և 6:2 հաշվով հաղթեց իտալացի Ջանլուկա Տալամոյին։

1/4 եզրափակիչում, ցավոք, հայ ըմբիշը 0:5 հաշվով պարտվեց ԱՄՆ-ը ներկայացնող Զեյն Ռետերֆորդին։

Հետագայում ամերիկացի ըմբիշը հաղթեց նաև կիսաեզրափակիչում և դուրս եկավ եզրափակիչ, ինչն Արման Անդրեասյանին հնարավորություն տվեց անցկացնել սփոփիչ գոտեմարտ ու պայքարել բրոնզե մեդալի համար։

Սփոփիչ գոտեմարտը կկայանա այսօր` սեպտեմբերի 16-ին։

Հայ ըմբիշի մրցակիցը լինելու է Կևին Հենկել (Գերմանիա) – Մարկ Դիտշե (Շվեյցարիա) գոտեմարտի հաղթողը։

Հաղթանակի դեպքում Անդրեասյանը գոտեմարտելու է վրացի Զուրաբի Յակոբաշվիլիի դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022