Էդուարդ Սպերցյանի տրանսֆերային արժեքը կրկին ավելացել է

Հեղինակավոր Transfermarkt կայքը դեկտեմբերի 13-ին թարմացրել է ռուսական Պրեմիեր լիգայում հանդես եկող ֆուտբոլիստների տրանսֆերային արժեքները։

Հերթական թարմացումից հետո «Կրասնոդարի» կիսապաշտպան Էդուարդ Սպերցյանի տրանսֆերային արժեքն ավելացել է 3 մլն եվրոյով։

23-ամյա ֆուտբոլիստն այժմ գնահատվում է 18 մլն եվրո։

Սպերցյանն իր տրանսֆերային արժեքով հավասարվել է «Կրասնոդարի» դարպասապահ Մատվեյ Սաֆոնովին, ովքեր այժմ «ցլերի» ամենաթանկարժեք ֆուտբոլիստներն են։

Բացի այդ, Սպերցյանը դարձել է ռուսական Պրեմիեր լիգայի երկրորդ ամենաթանկարժեք ֆուտբոլիստը։

Այդ ցուցանիշը հայազգի կիսապաշտպանը կիսում է նույն Սաֆոնովի և «Զենիթի» կիսապաշտպան Կլաուդինիոյի հետ։

Ավելացնենք, որ ռուսական Պրեմիեր լիգայի ամենաթանկարժեք ֆուտբոլիստը, 22 մլն եվրոյով, «Զենիթի» կիսապաշտպան Վենդելն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am