Գործարքը կայացած է. Սադիո Մանեն տեղափոխվում է Բավարիա

Գործարքը կայացած է. Սադիո Մանեն տեղափոխվում է Բավարիա

17/06/2022 - 18:41

«Լիվերպուլի» վինգեր Սադիո Մանեն կարիերան կշարունակի «Բավարիայի» կազմում։

Ինչպես հայտնում է ինսայդեր Ֆաբրիցիո Ռոմանոն, սենեգալցի ֆուտբոլիստի տրանսֆերի հարցում կողմերը հասել են վերջնական համաձայնության։

Աղբյուրի փոխանցմամբ` «Բավարիայի» սպորտային տնօրեն Հասան Սալիհամիջիչն անցնող ժամերին եղել է Անգլիայում և ակտիվ բանակցություններ վարել ինչպես «Լիվերպուլի», այնպես էլ Մանեի ներկայացուցիչների հետ, ինչն էլ տվել է իր արդյունքը։

Սպասվում է, որ մյունխենյան ակումբը 30-ամյա ֆուտբոլիստի տրանսֆերի դիմաց «Լիվերպուլին» կվճարի 32 մլն եվրո, որը, հավելավճարների տեսքով, հետագայում կարող է հասնել մինչև 40 միլիոն եվրոյի։

Մանեն շուտով կմեկնի Մյունխեն` բուժզննում անցնելու, ինչից հետո «Բավարիայի» հետ կնքելու է նախապես համաձայնեցված 3 տարվա պայմանագիրը։

Նշենք, որ Սադիո Մանեն «Լիվերպուլից» հեռանալու որոշումն անձամբ է կայացրել. նա դրա մասին բազմից ակնարկում էր Չեմպիոնների լիգայի եզրափակիչում «Ռեալ Մադրիդից» կրած պարտությունից հետո (0:1)

Հիշեցնենք, սենեգալցի հարձակվողը «Լիվերպուլի» կազմում հանդես էր գալիս 2016 թ. հուլիսից, որի մարզաշապիկով անցկացրել է 269 հանդիպում` դառնալով 120 գոլի և 48 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022