Գործարքը կայացած է. Մարկ Կուկուրելիան տեղափոխվում է Չելսի

Գործարքը կայացած է. Մարկ Կուկուրելիան տեղափոխվում է Չելսի

04/08/2022 - 13:03

«Բրայթոնի» ձախ պաշտպան Մարկ Կուկուրելիան կարիերան կշարունակի «Բրայթոնի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, երկու ակումբները տրանսֆերի հարցում հասել են վերջնական համաձայնության, որի դիմաց «ազնվականները» կվճարեն 63 մլն եվրո։

Իսպանացի ֆուտբոլիստը «թոշակառուների» հետ կնքելու է 6 տարվա պայմանագիր` մինչև 2028 թ. հունիսի 30-ը։

Գործարքում ներառվելու է նաև լոնդոնյան ակումբի երիտասարդական թիմի կենտրոնական պաշտպան Լևի Կոլվիլը, ով կարիերան կշարունակի «Բրայթոնի» կազմում։

Նշվում է, որ «Չելսին» ունենալու է Կոլվիլին հետ գնելու իրավունք։

Ռոմանան գրում է նաև, որ Մարկ Կուկուրելիան շատ մոտ էր կարիերան «Մանչեսթեր Սիթիի» կազմում շարունակելուն, սակայն «քաղաքաբնակները» չցանկացան 47 մլն եվրոյից ավելի վճարել 24-ամյա ֆուտբոլիստի դիմաց։

Հավելենք, որ Կուկուրելիան «Բարսելոնայի» սան է, որի համակարգում հանդես է եկել 2012-2020 թթ.։ Իսպանացի ֆուտբոլիստը «բլաուգրանայի» երիտասարդական թիմի կազմում անցկացրել է 54 հանդիպում` դառնալով 1 գոլի և 8 գոլային փոխանցման հեղինակ։

Ինչ վերաբերում է 24-ամյա ֆուտբոլիստի` «Բրայթոնում» ունեցած մրցելույթներին, ապա նա «ճայերի» կազմում խաղում էր 2021 թ. օգոստոսից, որի մարզաշապիկով դաշտ է դուրս եկել 38 անգամ` դառնալով 1 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022