Ավստրիան չհաղթահարեց որակավորման փուլը, սակայն կմասնակցի փլեյ-օֆֆ-ին

Ավստրիան չհաղթահարեց որակավորման փուլը, սակայն կմասնակցի փլեյ-օֆֆ-ին

16/11/2021 - 10:50

Աշխարհի 2022 թ. առաջնության որակավորման փուլի վերջին` 10-րդ տուրում Ավստրիայի հավաքականը F խմբի շրջանակում սեփական հարկի տակ 4:1 հաշվով վստահ հաղթանակ տոնեց Մոլդովայի նկատմամբ։

Այս հաղթանակից հետո ավստրիացիները վաստակեցին 16 միավոր և F խմբում զբաղեցրին ընդամենը 4-րդ հորիզոնականը, սակայն կմանսակցի որակավորման փլեյ-օֆֆ փուլին` շնորհիվ Ազգերի լիգայի 2020/21 խաղարկության։

Ավստրիան Ազգերի լիգայի ենթախմբերում հաղթած հավաքականների շրջանակում ուներ 6-րդ ցուցանիշը, իսկ նրանից վեր գտնվող Ֆրանսիայի, Իսպանիայի, Իտալիայի, Բելգիայի հավաքականները նվաճել են արդեն ԱԱ խմբային փուլի կամ որակավորման փլեյ-օֆֆ-ի ուղեգիր։

Անկախ վերջին տուրի արդյունքներից` փլեյ-օֆֆ-ի ուղեգիր կնվաճեն նաև E խմբում հանդես եկող Ուելսի և Չեխիայի հավաքականները, որոնք Ազգերի լիգայի ենթախմբերում հաղթած հավաքականների շրջանակում զբաղեցնում են համապատասխանաբար 5-րդ ու 7-րդ հորիզոնականները։

Ինչպես գիտեք, ԱԱ որակավորման փլեյ-օֆֆ փուլին մասնակցելու իրավունք են վաստակում նաև Ազգերի լիգայի ենթախմբերում հաղթած լավագույն երկու հավաքականները։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022