Անգլիան հաղթեց Իսրայելին` դառնալով Եվրոպայի Մ-19 առաջնության չեմպիոն🎥

Անգլիան հաղթեց Իսրայելին` դառնալով Եվրոպայի Մ-19 առաջնության չեմպիոն🎥

02/07/2022 - 10:11

Անցնող օրերին Սլովակիայում կայանում էր Եվրոպայի Մ-19 առաջնությունը։

Հուլիսի 1-ին` «Տրնավայի» «Քաղաքային» մարզադաշտում, մրցաշարի եզրափակիչի շրջանակում միմյանց դեմ մրցեցին Իսրայելի Մ-19-ն ու Անգլիայի Մ-19-ը։

Հանդիպման առաջին խաղակեսն անցավ անսպասելի եզրափակիչ հասած իսրայելցիների առավելությամբ, ովքեր էլ 40-րդ րոպեին Օսկար Գլուխի ջանքերով բացեցին խաղի հաշիվը։

Այդուհանդերձ, երկրորդ կեսի հենց մեկնարկում` 50-րդ րոպեին, անկյունայինի խաղարկումից հետո Կալում Դոյլը խփեց «երեք առյուծների» պատասխան գնդակը։

Հանդիպման մնացած ժամանակահատվածն անցավ հիմնականում հավասար պայքարում, սակայն հաշվի մեջ նոր փոփոխություն տեղի չունեցավ։

Հանդիպման հիմնական ժամանակն ավարտվեց 1:1 հաշվով, իսկ խաղը շարունակվեց լրացուցիչ ժամանակում։

Լրացուցիչ ժամանակում անգլիացիներն ավելի թարմ տեսք ունեին, իսկ Յան Ֆոսթերի սաներն ապացուցեցին իրենց բարձր կարգն ու խաղավերջում երկու գնդակ ուղարկեցին մրցակցի դարպասը. 108-րդ ու 116-րդ րոպեներին աչքի ընկան համապատասխանաբար Կարնի Չուկվումուեկան ու Արոն Ռեմզին։

Այսպիսով, Անգլիան հաղթեց 3:1 հաշվով ու ռեկորդային` 11-րդ անգամ դարձավ Եվրոպայի Մ-19 առատյության չեմպիոն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022