Անգլիական գրանդը շատ մոտ է Նկունկուի տրանսֆերն իրականացնելուն

Անգլիական գրանդը շատ մոտ է Նկունկուի տրանսֆերն իրականացնելուն

30/09/2022 - 17:14

«Լայպցիգի» հարձակվող Քրիստոֆեր Նկունկուն 2023 թ. ամռանը, ամենայն հավանականությամբ, կարիերան կշարունակի «Չելսիի» կազմում։

Ինսայդեր Ֆաբրիցիո Ռոմանոն, հղում կատարելով Bild-ի լրագրող Քրիստիան Ֆալկին, հայտնում է, որ անցնող օրերին ֆրանսիացի հարձակվողը Ֆրանկֆուրտում գաղտնի բուժզննում է անցել «ազնվականների» համար։

Աղբյուրի փոխանցմամբ` լոնդոնյան ակումբն այս գործարքի հարցում փորձում է հնարավորինս արագ գործել և առաջ անցնել մյուս մրցակիցներից ու մոտ օրերս ավարտին հասնցել 24-ամյա հարձակվողի տրանսֆերը։

Ռոմանոն հայտնում է նաև, որ գործարքը կայանալու է հաջորդ ամառային տրանսֆերային պատուհանի ժականակ, քանի որ Նկունկուի և «Լայպցիգի» միջև գործող պայմանագրում կա հրաժարագնի կետ, որը կազմում է 60 մլն եվրո։

Հատկանշական է, որ այդ կետն ակտիվանալու է 2023 թ. հուլիսի 1-ից։

Իտալացի ինսայդերին հաջողվել է պարզել, որ «թոշակառուներն» անձնական պայմանագրի և աշխատավարձի չափի հարցում բանավոր համաձայնության են հասել ֆրանսիացի ֆուտբոլիստի հետ։

Այժմ գործարքի հարցում «Չելսին» պետք է բանակցի նաև «Լայպցիգի» հետ` փորձելով հնարավորինս շուտ ավարտին հասցնել այն։

Ըստ ինսայդեր Նիկոլո Սկիրայի տեղեկությունների էլ` լոնդոնյան ակումբը 24-ամյա ֆուտբոլիստի հետ 5 տարվա պայմանագիր է համաձայնեցրել, որն ուժի մեջ է լինելու մինչև 2028 թ. հունիսի 30-ը։

Հավելենք, որ Քրիստոֆեր Նկունկուն «Լայպցիգի» կազմում հանդես է գալիս 2019 թ. հուլիսից` անցկացրած 147 խաղում դառնալով 53 գոլի և 48 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022