Ալվես. «Ցանկանում եմ հաճույք ստանալ և վերակենդանացնել Բարսան»

Ալվես. «Ցանկանում եմ հաճույք ստանալ և վերակենդանացնել Բարսան»

14/11/2021 - 10:55

Ինչպես արդեն տեղեկացրել ենք, բրազիլացի հանրահայտ պաշտպան Դանի Ալվեսը 5 տարի անց վերադառնում է «Բարսելոնա»։

38-ամյա պաշտպանն արդեն մեկնել է Բարսելոնա։

«Բլաուգրանասի» մամուլի ծառայությունը տեսանյութ է հրապարակել, որտեղ Ալվեսն ուղերձ է հղում ակումբի երկրպագուներին.

«Ողջույն բոլորին, ես արդեն Բարսելոնայում եմ։ Ես կրկին ձեզ հետ եմ և անչափ ուրախ եմ, որ վերադարձել եմ տուն։ Հուսով եմ` շուտով կտեսնվենք։

Ես ցանկանում եմ հաճույք ստանալ և վերակենդանացնել «Բարսային», որին մենք այդքան շատ սիրում ենք»,- նշել է Ալվեսը։

Հավելենք, որ բրազիլացի ֆուտբոլիստը շուտով կմիանա «Բարսելոնայի» մարզումներին, սակայն մինչև 2022 թ. հունվարի 1-ը չի կարող մասնակցել հանդիպումներին։

Հիշեցնենք, որ Ալվեսը 2008-2016 թթ. արդեն հանդես եկել է կատալոնական ակումբի կազմում, որի մարզաշապիկով անցկացրել է 391 հանդիպում` դառնալով 21 գոլի և 101 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022