Տալալաև. Մխիթարյանը ցանկության դեպքում կարող է դառնալ Հայաստանի նախագահ կամ վարչապետ

Տալալաև. Մխիթարյանը ցանկության դեպքում կարող է դառնալ Հայաստանի նախագահ կամ վարչապետ

10/02/2019 - 00:20

«Փյունիկի» գլխավոր մարզիչ Անդրեյ Տալալաևը հանրահայտ Вадим Лукомский յութուբյան ալիքի հետ զրույցում խոսել է Հայաստանի հավաքականի ավագ, «Արսենալի» կիսապաշտպան Հենրիխ Մխիթարյանի մասին.

«Եթե Մխիթարյանը ցանկանա դառնալ Հայաստանի նախագահ կամ վարչապետ, ապա վաղը կանի դա: Նա ունի բավարար սեր, ուշադրություն և հնարավորություններ:

Ինչ վերաբերում է այն հանգամանքին, որ տարվա լավագույն ֆուտբոլիստ է ճանաչվել Մարկոս Պիզելին, ապա եթե պարտվում ես Ջիբրալթարին և Լիխտենշտեյնին, իսկ քո ակումբում միշտ չես հիմնական կազմում, ապա դա ազդում է մարդկանց կարծիքի վրա: Մարկոսին ես գիտեմ «Կուբանից», որտեղ ես գլխավոր մարզչի օգնական էի: Նա հիանալի ֆուտբոլիստ է. երեսուն տարեկանում ծաղկում է Ղազախստանում»,- ասել է մասնագետը:

Տալալաևը հայտնել է նաև, որ հպարտ է Մխիթարյանի՝ իր գլխավորած «Փյունիկի» սանը լինելու համար:


Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022