Առաջին խումբ. Ովքեր են գլխավորում թիմերը

Առաջին խումբ. Ովքեր են գլխավորում թիմերը

11/09/2019 - 18:00

Հայկական ֆուտբոլում բումը առավելապես ազդել է Հայաստանի Առաջին խմբի առաջնության վրա: Նորաբաց թիմերն այնքան շատ են, որ ֆուտբոլասերները երբեմն շփոթում են, իսկ ինֆորմացիոն հոսքի առկայության դեպքում տեղեկություններ կան, որ վրիպում են ուշադրությունից: Interfootball.am-ը ներկայացնում է Առաջին խմբի 17 թիմերի գլխավոր մարզիչներին.

«Վան»

Առաջատար «Վանի» գլխավոր մարզիչը Կարեն Բարսեղյանն է: Սպորտային տնօրենը Սևադա Արզումանյանն է, իսկ մարզչական շտաբում են Արթուր Ասոյանը, Մայիս Ազիզյանը, Հայկ Ավետիսյանը:

«Ուրարտու-2»

«Ուրարտու-2»-ի գլխավոր մարզիչը Արամ Հակոբյանն է, ում օգնականը հավաքականի մեկ այլ նախկին ֆուտբոլիստ Վալերի Ալեքսանյանն է:

«Վեսթ Արմենիա»

Նորաբաց մեկ այլ թիմի՝ «Վեսթ Արմենիայի» գլխավոր մարզիչն է Արմեն Շահգելդյանը: Շտաբում է նաև «Միկայի» նախկին մարզիչ Հակոբ Մկրյանը:

«Լոկոմոտիվ»

Առաջին խմբում արդեն 2-րդ մրցաշրջանը անցկացնող «Լոկոմոտիվի» գլխավոր մարզիչն է ուկրաինացի Սերգեյ Լիտովչենկոն, ով փոխարինել է Անատոլի Պիսկովեցին:

«Ալաշկերտ-2»

Գործող գավաթակրի 2-րդ թիմը երկար ժամանակ է գլխավորում է Սերգեյ Էրզրումյանը իր անփոփոխ մարզչական շտաբով:

«Սևան»

«Սևանի» գլխավոր մարզիչը դարձյալ Արմեն Սանամյանն է, ով վերջերս փոխարինել է մրցաշրջանի մեկնարկից առաջ անվանափոխված ակումբի մարզչական ղեկը ստանձնած Վիտալի Կուլիբաբային:

«Տորպեդո Երևան»

«Տորբեդոյի» գլխավոր մարզիչը Սամվել Դարբինյանն էր: Ակումբը հայտնեց, որ մարզիչը առողջական խնդիրների պատճառով հեռացվել է: Այժմ թիմի գլխավոր մարզիչը Ալբերտ Աճեմյանն է, ով ի սկզբանե Դարբինյանի շտաբում էր:

«Փյունիկ-2»

Առաջնության մեկնարկից առաջ «Փյունիկի» 2-րդ թիմի գլխավոր մարզչի պաշտոնը զբաղեցրել է Յուրի Տարխանովը՝ «Փյունիկի» գլխավոր մարզիչ Ալեքսանդր Տարխանովի որդին:

ԲԿՄԱ

ԲԿՄԱ-ի կազմավորման ակունքներում են Ռաֆայել Նազարյանը և Վարազդատ Ավետիսյանը: Գլխավոր մարզիչը Նազարյանն է, Ավետիսյանը՝ օգնականը:

«Արագած»

«Արագածի» ակունքներում ևս Նազարյանը և Ավետիսյանն էին: Մրցաշրջանի մեկնարկից առաջ նրանք հեռացան, իսկ Աշտարակի թիմի գլխավոր մարզչի պաշտոնը ստանձնեց ուկրաինացի Յուրի Օկուլը:

«Արարատ-2»

«Արարատի» 2-րդ թիմի մարզչական ղեկին Էդգար Թորոսյանն է, շտաբում է ընդգրկվել նաև Ալեքսանդր Պետրոսյանը:

«Արարատ-Արմենիա-2»

Հայաստանի գործող չեմպիոնի դուստր թիմի գլխավոր մարզիչը Վարդան Մինասյանի օգնական Արտակ Օսեյանն է:

«Մասիս»

Նորաբաց «Մասիսի» մարզչական ղեկին «Երևանի» նախկին գլխավոր մարզիչ Սամվել Սարգսյանն է:

«Լեռնային Արցախ»

«Լեռնային Արցախի» գլխավոր մարզիչը Սլավիկ Գաբրիելյանն է:

«Շիրակ-2»

Գյումրիի 2-րդ թիմի գլխավոր մարզիչը Վարդան Բիչախչյանի օգնական Տիգրան Դավթյանն է:

«Անի»

«Անիի» գլխավոր մարզիչը Հայաստանի հավաքականի կիսապաշտպան Ռումյան Հովսեփյանի հայրն է, անվանի ֆուտբոլիստ Անդրանիկ Հովսեփյանը:

«Դիլիջան»

Առաջին խմբի հեռնապահի (4 խաղ. 4 պարտություն) գլխավոր մարզիչը Հայկազ Վիրաբյանն է, ով փոխարինել է Գագիկ Գրիգորյանին:

# , , , , , , , , , , , , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022