Յուվենտուսը կրկին հաղթեց Ֆիորենտինային` դուրս գալով Իտալիայի գավաթի եզրափակիչ🎥

Իտալիայի գավաթի պատասխան հանդիպման շրջանակում «Յուվենտուսը» Թուրինի «Ալյանց» մարզադաշտում մրցեց «Ֆիորենտինայի» դեմ։

Հիշեցնենք, որ դիմակայության առաջին խաղում «բյանկոներիները» հյուրընկալվելիս հաղթել էին 1:0 հաշվով։

Ինչ վերաբերում է պատասխան հանդիպմանը, ապա թուրինյան ակումբը կրկին հաղթեց` այս անգամ առավելության հասնելով 2:0 հաշվով։

Մասիմիլիանո Ալեգրիի թիմի կազմից մեկական անգամ աչքի ընկան Ֆեդերիկո Բերնարդեսկին ու Դանիլոն։

Նշենք, որ հանդիպման հերոս դարձավ «Յուվենտուսի» պահեստային դարպասապահ Մատիա Պերինը, ով իր անվան դիմաց 5 սեյվ գրանցեց։

Այսպիսով, թուրինյան ակումբը հաղթեց ընդհանուր 3:0 հաշվով ու վերջին 10 տարում 8-րդ անգամ դուրս եկավ Իտալիայի գավաթի եզրափակիչ։

Մայիսի 11-ին` Հռոմի «Օլիմպիկո» մարզադաշտում, եզրափակիչի շրջանակում միմյանց դեմ կմրցեն «Յուվենտուսն» ու «Ինտերը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am