Նապոլին անչափ կարևոր հաղթանակ տոնեց Ատալանտայի դեմ խաղում🎥

Իտալական Ա սերիայի 31-րդ տուրի շրջանակում «Նապոլին» հյուրընկալվելիս մրցեց «Ատալանտայի» դեմ։

Չնայած հանդիպման մեծ մասն անցավ «Ատալանտայի» ֆուտբոլիստների առավելության պայմաններում, սակայն հյուրերը շատ ավելի լավ իրացրին իրենց գոլային պահերն ու հաղթեցին 3:1 հաշվով։

Լուչիանո Սպալետիի թիմի կազմից մեկական անգամ աչքի ընկան Լորենցո Ինսինյեն, Մատեո Պոլիտանոմ ու Էլիֆ Էլմասը, իսկ «Ատալանտայի» միակ գոլը խփեց Մարտեն դե Ռոնը։

Այս հաղթանակից հետո «Նապոլին» վաստակեց 66 միավոր և շարունակում է զբաղեցնել 2-րդ հորիզոնականը։

Նույնքան միավոր ունի նաև Ա սերիայի առաջատար «Միլանը», որը դեռևս չի անցկացրել ընթացիկ տուրի իր հանդիպումը, որի շրջանում ապրիլի 4-ին սեփական հարկի տակ մրցելու է «Բոլոնիայի» դեմ։

«Ատալանտան», 51 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am