Սաուլը տեղափոխվում է անգլիական գրանդ

«Ատլետիկո Մադրիդի» կիսապաշտպան Սաուլ Նիգեսը կարիերան կշարունակի «Չելսիի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, լոնդոնյան ակումբը վարձակալելու է իսպանացի կիսապաշտպանին, որի դիմաց վճարելու է 5 մլն եվրո։ Գնման իրավունքի մասին որևէ տեղեկատվություն չկա։

Երկու ակումբներն արդեն ստորագրել են բոլոր անհրաժեշտ փաստաթղթերը։

26-ամյա ֆուտբոլիստը շուտով կմեկնի Լոնդոն` տեղափոխությունն ավարտին հասցնելու համար։

Հիշեցնենք, որ Սաուլը «Ատլետիկոյի» սան է, որի կազմում անցկացրել է 340 հանդիպում` դառնալով 43 գոլի և 20 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am