Լացիոն դրամատիկ պայքարում փրկվեց Յուվեի դեմ խաղում🎥

Իտալական Ա սերիայի 7-րդ տուրի կենտրոնական հանդիպումը կայացավ Հռոմի «Օլիմպիկո» մարզադաշտում, որտեղ «Լացիոն» ընդունել էր «Յուվենտուսին»։

Խաղը հիմնականում ընթանում էր թուրինյան ակումբի վերահսկողությամբ և գրեթե ողջ հանդիպման ընթացքում Անդրեա Պիռլոյի սաները Կրիշտիանու Ռոնալդուի 15-րդ րոպեին խփած միակ գոլի շնորհիվ հաղթում էին։

Հանդիպման վերջնամասում «Լացիոյի» ֆուտբոլիստները մեծացրին ճնշումը և 90+5-րդ րոպեին հաջողվեց փրկել հանդիպումը։ Խոակին Կոռեան հարձակման ձախ եզրով ֆանտաստիկ անցում ձեռնարկեց և գնդակը փոխանցեց Ֆելիպե Կայսեդոյին, ով էլ կարևոր միավոր փրկեց «արծիվների» համար։

Այս ոչ-ոքիից հետո «Յուվեն» վաստակեց 13 միավոր և զբաղեցնում է 3-րդ հորիզոնականը, իսկ «Լացիոն» 11 միավորով 9-րդն է։