Բարսելոնան պատմության վատագույն արդյունքը գրանցեց

Օգոստոսի 14-ին Լիսաբոնում կայացավ Չեմպիոնների 2019/20 մրցաշրջանի երրորդ քառորդ եզրափակչ հանդիպումը, որի շրջանակում «Բավարիան» 8:2 հաշվով քարուքանդ արեց «Բարսելոնային»։

Ինչպես տեղեկացնում է OptaJean-ը, կատալոնական ակումբն իր պատմության ընթացքում եվրագավաթային խաղերում 5 և ավելի գնդակ բաց է թողնում երրորդ անգամ, իսկ 8 գնդակ` առաջին անգամ։

«Բարսելոնան» ՈՒԵՖԱ-ի գավաթի 1976 թվականի խաղարկության ընթացքում 5:4 հաշվով պարտվել է Սոֆիայի «Լևսկիին», իսկ 1962 թվականին Տոնավաճառների գավաթի շրջանակում` 6:2 հաշվով «Վալենսիային»։

Աղբյուրի փոխանցմամբ` ո՛չ Չեմպիոնների գավաթի և ո՛չ էլ Չեմպիոնների լիգայի շրջանակում «Բարսելոնան» երբևէ նույնիսկ 5 գնդակ բաց չէր թողել։