Աղբյուր․ «Մեսսին ունի կարմիր կոճակ, սակայն չի սեղմի այն»

«Բարսելոնային» մոտ կանգնած աղբյուրներից մեկը պատմել է, որ ակումբի ավագ և առաջատար Լեո Մեսսին ցանկացած կերպ կարող է իր ազդեցությունն ունենալ ակումբում տեղի ունեցող յուրաքանչյուր կարևոր իրադարձության վրա։

«Եթե Լեոն ցանկանա, ապա ցանկացած պահ կարող է ասել հետևյալը․ «Մեզ անհրաժեշտ է նոր մարզիչ և նոր նախագահ»։ Նա ունի կարմիր կոճակ, որը նրան հասանելի է ամեն օր, սակայն նա չի սեղմի այն»,- աղբյուրին մեջբերում է The Athletic-ը։

Հիշեցնենք, որ Լեո Մեսսին «Բարսելոնայում» հանդես է գալիս 2003 թվականից սկսած՝ ողջ կարիերան անցկացնելով կատալոնական ակումբում։ Ընթացիկ մրցաշրջանում Մեսսին բոլոր մրցաշարերի շրջանակում մասնակցել է 39 հանդիպման՝ դառնալով 27 գոլի և 24 գոլային փոխանցման հեղինակ։