Լաուտարոն հերոսանում է` անչափ կարևոր հաղթանակ պարգևելով «Ինտերին» 🎥

Իտալիայի Ա Սերիայի 13-րդ տուրում «Ինտերը» «Արենա Գարիբալդի» ստադիոնում 2:0 հաշվով հաղթեց «Պիզային»։

«Ներաձուրիից» դուբլ գրանցեց թիմի ավագ ու առաջատար Լաուտարո Մարտինեսը։ Արգենտինացին խփած գոլերի քանակը հասցրեց 6-ի` գլխավորելով լավագույն ռմբարկուների ցուցակը։

Միլանյան գրանդի կազմում վնասվածքից ապաքինվել է Հայաստանի ազգային հավաքականի նախկին ավագ Հենրիխ Մխիթարյանը, որը հայտավորված էր այս հանդիպմանը, բայց մնաց պահեստայինների նստարանին։

Քրիստիան Կիվուի գլխավորած թիմը 27 միավորով բարձրացավ երրորդ տեղ, «Պիզան» 10 միավորով 18-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml