Ըմբշամարտի ԵԱ. Արսեն Հարությունյանը եզրափակիչում է 🎥

Սլովակիայի մայրաքաղաք Բրատիսլավայում ընթացող ազատ ոճի ըմբշամարտի Եվրոպայի առաջնությունում Արսեն Հարությունյանը (61 կգ) դուրս է եկել եզրափակիչ։

25-ամյա ըմբիշը կիսաեզրափակիչում մրցեց Ալբանիան ներկայացնող, չեչեն Զելիմխան Աբակարովի դեմ և հաղթեց 5:2 հաշվով։

Հարությունյանը կարիերայում 5-րդ անգամ է դուրս գալիս Եվրոպայի առաջնությունների եզրափակիչ։ Վճռորոշ գոտեմարտը նա կանցկացնի ապրիլի 9-ի երեկոյան մրցահերթում։ Հայ ըմբիշի մրցակիցը կլինի Տոկիոյի Օլիմպիական խաղերի չեմպիոն, աշխարհի առաջնությունների կրկնակի ոսկե մեդալակիր, UWW-ի դրոշի ներքո հանդես եկող, դաղստանցի Զաուր Ուգուևը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից