Պաշտոնական. Միշել Տեր-Զաքարյանը 3 ամիս անց վերադարձավ աշխատանքի

Միշել Տեր-Զաքարյանը գլխավորել է Ֆրանսիայի Լիգա-2-ը ներկայացնող «Կանը», հայտնում է ակումբի պաշտոնական կայքը։

Կողմերի միջև կնքված պայմանագրի մանրամասները չեն հաղորդվում։

«Կանը» Լիգա-2-ի ընթացիկ մրցաշրջանի 23 խաղում միայն 15 միավոր է վաստակել և վերջին` 18-րդ տեղում է։

62-ամյա Տեր-Զաքարյանի նախորդ ակումբը «Մոնպելյեն» էր, որտեղից հեռացել է 2024 թ. հոկտեմբերի 20-ին։ Նախկինում նա մարզել է նաև ֆրանսիական այլ ակումբներ` «Բրեստը», «Նանտը», «Ռեյմսը», «Կլերմոնը»։

Հիշեցնենք, որ Միշել Տեր-Զաքարյանը ֆուտբոլային կարիերայի ընթացքում 1996-97 թթ. եղել է Հայաստանի ազգային հավաքականի անդամ, որի կազմում մասնակցել է 5 հանդիպման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից