Ռոնալդուի տպավորիչ բենեֆիսը. Պորտուգալիան ջախջախել է Լեհաստանին 🎥

Ազգերի լիգայի խաղարկության A դիվիզիոնի առաջին խմբի 5-րդ տուրում Պորտուգալիայի հավաքականը Պորտուի «Դրագաու» ստադիոնում մրցել է Լեհաստանի դեմ։

Գոլազուրկ առաջին կեսից հետո երկրորդ 45 րոպեների ընթացքում պորտուգալացիները պարզապես քարը քարի վրա չեն թեն թողել մրցակցին` ջախջախելով 5:1 հաշվով։

Տանտերերից հերթական փայլուն հանդիպումն է անցկացրել «Ոսկե գնդակի» 5-ակի դափնեկիր Կրիշտիանու Ռոնալդուն, որը դարձել է դուբլի ու մեկ ասիստի հեղինակ։ Ռոբերտո

Մարտինեսի գլխավորած թիմից մեկական անգամ էլ աչքի են ընկել Ռաֆայել Լեաուն, Բրունու Ֆերնանդեշն ու Պեդրու Նետուն, լեհերի հեղինակության գոլը խփել է Դոմինիկ Մարչուկը։

Պորտուգալացիները վաստակել են 13 միավոր և վերջին տուրից առաջ խմբում ապահովել են առաջին տեղը, պայքարը շարունակելու են Ազգերի լիգայի քառորդ եզրափակիչում։ Լեհաստանը 4 միավորով երրորդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից