Ռեալն ընթացիկ մրցաշրջանում արդեն ավելի շատ պարտություն ունի քան ամբողջ 2023/24 մրցաշրջանում

Չեմպիոնների լիգայի հիմնական փուլի չորրորդ տուրում մրցաշարի գործող հաղթող Մադրիդի «Ռեալը» սեփական դաշտում 1:3 հաշվով պարտվեց «Միլանին»։

2024/25 մրցաշրջանում «արքայական» ակումբն արդեն ավելի շատ պարտություն է կրել, քան ամբողջ 2023/24 մրցաշրջանում։

Նախորդ մրցաշրջանում իսպանական գրանդն անցկացրել է 55 հանդիպում և պարտվել միայն երկու խաղում։ Կառլո Անչելոտիի գլխավորած թիմին երկու անգամ հաղթել էր մադրիդյան մյուս ակումբը` «Ատլետիկոն»։

«Ռեալը» 2024/25 մրցաշրջանում 16 խաղում կրել է արդեն 3 պարտություն։ «Սերուցքայինները», բացի «Միլանից», դրական արդյունք չեն կարողացել գրանցել նաև ֆրանսիական «Լիլի» (0:1) և «Բարսելոնայի» (0:4) դեմ Էլ կլասիկոյում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից