Transfermarkt-ը Մեսսիի անձնական էջում ավելացրել է ոսկե գնդակների քանակը (լուսանկար)
28/11/2019 - 14:50
Հեղինակավոր transfermarkt.com կայքը Լեո Մեսսիի անձնական էջում ավելացրել է արգենտինացու ոսկե գնդակների քանակը՝ հասցնելով այն վեցի։
Վերջերս էլ իսպանական Mundo Deportivo պարբերականն էր նյութ հրապարակել, որտեղ նշվում էր, որ Ոսկե գնդակի 2019 թվականի դափնեկիր դառնալու է հենց արգենտինացին։
Աղբյուրը նշում էր նաև, որ France Football պարբերականը, որը հանձնում է հեղինակավոր մրցանակը, արդեն տեղյակ է պահել Լեո Մեսսիին այդ մասին և խմբագրի ու լրագրողի հետ մեկնել են Բարսելոնա՝ կատալոնացիների 10 համարից հարցազրույց վերցնելու համար։
Ոսկե Գնդակն այս տարի հանձնվելու է դեկտեմբերի 2-ին, իսկ մրցանակաբաշխությունը տեղի է ունենալու Փարիզում։
