2020/21 մրցաշրջանի լավագույն կենտրոնական պաշտպաններն` ըստ Interfootball-ի հետևորդների

Interfootball -ը Telegram-ի իր պաշտոնական ալիքում առաջիկա օրերին կանցկացնի տարբեր հարցումներ` պարզելու համար 2020/21 մրցաշրջանի խորհրդանշական հավաքականը։

Յուրաքանչյուր դիրքի համար, ըստ մրցաշրջանում ցուցադրած արդյունքների, կառաջարկվի 8-10 ֆուտբոլիստ, իսկ հարցումը կտևի առավելագույնը 24 ժամ։

Խորհրդանշական հավաքականն արդեն համալրել են Էդուարդ Մենդին (դարպասապահ), Սեզար Ասպիլիկուետան (աջ պաշտպան) և Ֆերլան Մենդին (ձախ պաշտպան)։

Հունիսի 2-ին հարցում տեղադրվեց` մրցաշրջանի լավագույն երկու կենտրոնական պաշտպաններին պարզելու համար։

Հարցման շրջանակում պետք էր ընտրել միանգամից երկու պաշտպան։

Քվեարկության ընթացքում, ի սզբանե, կար երկու առաջատար ֆուտբոլիստ. խոսքը Ռուբեն Դիաշի («Մանչեսթեր Սիթի») և Անտոնիո Ռյուդիգերի մասին է, ովքեր ստացել են համապատասխանաբար ձայների 60 (122 ձայն) և 49%-ները (100 ձայն)։ Հենց վերոնշյալ ֆուտբոլիստներն են մեր խորհրդանշական հավաքականում։

Նրանց հաջորդել է ՊՍԺ-ի կենտրոնական պաշտպան Մարկինիոսը` ստացած 25% ձայնով։

Առաջարկված մյուս ֆուտբոլիստները դասավորվել են հետևյալ հաջորդականությամբ.

4. Ալեսանդրո Բաստոնի («Ինտեր», 11%)

5. Պաու Տորես («Վիլյառեալ», 10%)

6-7. Ժյուլ Կունդե («Սևիլիա», 7%)

6-7. Ջոն Սթոունզ («Մանչեսթեր Սիթի», 7%)

8. Հարի Մագուայեր («Մանչեսթեր Յունայթեդ», 6%)

9. Սվեն Բոտման («Լիլ», 3%)

10. Ավգուստո Ֆելիպե («Ատլետիկո Մադրիդ», 1%)

Միացեք Interfootball-ի Telegram-ի ալիքին այս հղումով` https://t.me/Interfootball_am, որպեսզի մասնակցեք մյուս հարցումներին և միասին հավաքենք 2020/21 մրցաշրջանի խորհրդանշական հավաքականը։