Ֆուտզալի Բարսայի թիմը լուսանկար է հրապարակել Երևանից 📸

Ֆուտզալի «Բարսելոնայի» թիմը ժամանել է Երևան` մասնակցելու Չեմպիոնների լիգայի «չորսի եզրափակիչին»։

Կատալոնական ակումբը սոցցանցերի էջերում լուսանկար է հրապարակել Կարեն Դեմիրճյանի անվան մարզահամերգային համալիրից և հայտնել, որ ժամանել է մրցավայր։

Մրցաշարը կայանալու է մայիսի 3-5-ը Երևանի Կարեն Դեմիրճյանի անվան մարզահամերգային համալիրում։

«Չորսի եզրափակիչին», բացի «Բարսելոնայից», մասնակցելու են նաև պորտուգալական «Սպորտինգն» ու «Բենֆիկան» և մրցաշարի գործող հաղթող, իսպանական «Պալմա Ֆուտզալը»։

Մրցաշարի կիսաեզրափակիչում կայանալու են հետևյալ խաղերը.

«Բենֆիկա» – «Պալմա Ֆուտզալ» (մայիսի 3, 18:00)

«Բարսելոնա» – «Սպորտինգ» (մայիսի 3, 21:00)

Երրորդ տեղի հանդիպումն ու եզրափակիչը կայանալու են մայիսի 5-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am