Ֆանտաստիկա!!! Հայաստանի ֆուտզալի հավաքականը հյուրընկալվելիս ջախջախեց Չեխիային

Ֆուտզալի աշխարհի 2024 թվականի առաջնության որակավորման հիմնական փուլի 3-րդ խմբի 3-րդ տուրում Հայաստանի հավաքականը հյուրընկալվելիս մրցեց Չեխիայի ընտրանու դեմ։

Ռուբեն Նազարեթյանի թիմը պարզապես փայլուն հանդիպում անցկացրեց` մրցակցին ջախջախելով 4:1 հաշվով։

Հայաստանի հավաքականի կազմից հեթ-տրիկի հեղինակ դարձավ Վլադիմիր Սանոսյանը, մեկ անգամ էլ աչքի ընկավ Արթուր Մելքոնյանը։

Հայաստանի ֆուտզալի հավաքականը հաղթել է 3-րդ խմբում անցկացրած բոլոր 3 խաղերում և վաստակած 9 միավորով գլխավորում է մրցաշարային աղյուսակը։

Մեր ընտրանին, անկախ Բոսնիա և Հերցեգովինայի դեմ արտագնա խաղից, որը կկայանա 2023 թ. մարտի 3-ին, ապահովել է արդեն որակավորման էլիտ ռաունդում իր տեղը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am