Տարվա ամենաբարձր վարձատրվող մարզիկներն` ըստ Forbes-ի

Ամերկյան հեղինակավոր Forbes պարբերականը հրապարակել է 2022 թ. ամենաբարձր վարձատրվող մարզիկների ցանկը։

Պարբերականը ցանկը կազմելիս հաշվի է առել 2021 թ. մայիսի 1-ից մինչև 2022 թ. մայիսի 1-ն ընկած ժամանակահատվածը։

Ցանկը գլխավորում է ՊՍԺ-ի և Արգենտինայի հավաքականի հարձակվող Լեո Մեսսին, ով վերոնշյալ ժամանակահտածում վաստակել է 130 մլն դոլլար (75 մլն` աշխատավարձ, 55 մլն` հովանավորչական և գովազդային պայմանագրեր)։

Արգենտինացի հարձակվողին հաջորդում է աշխարհահռչակ բասկետբոլիստ Լեբրոն Ջեյմսը («Լոս Անջելես Լեյքերս»), ով վաստակել է 121.2 մլն դոլլար (41.2+80)։

Եռյակը, 115 մլն դոլլարով (60+55), եզրափակել է «Մանչեսթեր Յունայթեդի» հարձալվող Կրիշտիանու Ռոնալդուն։

Նրանց հաջորդել են հետևյալ մարզիկները.

4. Նեյմար (ֆուտբոլ, ՊՍԺ) – 95 մլն դոլլար (70+25)

5. Ստեֆեն Քարի (բասկետբոլ, «Գոլդեն Սթեյթ Ուորիորս») – 92.8 մլն (45.8+47)

6. Կևին Դյուրանթ (բասկետբոլ, «Բրուքլին Նեթս») – 92.1 մլն (42.1+50)

7. Ռոջեր Ֆեդերեր (թենիս) – 90.7 մլն (0.7+90)

8. Սաուլ Ալվարես (բռնցքամարտ) – 90 մլն (85+5)

9. Թոմ Բրեդի (ամերիկյան ֆուտբոլ, «Տամպա Բեյ Բականիրս») – 83.9 մլն (31.9+52)

10. Յանիս Ադետոկունբո (բակսետբոլ, «Միլուոկի Բաքս») – 80.9 մլն եվրո (39.9+41)

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am