Սպերցյանի գոլը Տուլայի Արսենալի դեմ խաղում🎥

Ռուսաստանի Պրեմիեր լիգայի 28-րդ տուրում «Կրասնոդարը» հյուրընկալվելիս մրցեց Տուլայի «Արսենալի» դեմ. գրանցվեց 1:1 հաշիվը։

«Կրասնոդարի» կազմից միակ գոլը խփեց Էդուարդ Սպերցյանը, ով 76-րդ րոպեին դիպուկ իրացեց 11-մետրանոցը։

Հատկանշական է, որ հայ կիսապաշտպանը կրկնել է հարվածը, քանի որ նրա առաջին փորձից հետո «Արսենալի» դարպասապահ Միխայիլ Լևաշովը, ով որսաց գնդակը, ժամանակից շուտ ոտքն առաջ էր քաշել դարպասային գծի վրայից։

Հավելենք, որ ՌՊԼ-ի ընթացիկ մրցաշրջանում Էդուարդ Սպերցյանն անցկացրել է 23 հանդիպում` դառնալով 7 գոլի և 4 գոլային փոխանցման հեղինակ։

Այս ոչ-ոքիից հետո «ցլերը» վաստակեցին 46 միավոր և զբաղեցնում են 5-րդ հորիզոնականը։

«Արսենալը», 23 միավորով, վերջինն է` 16-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am