Ռոման լուրջ խնդիրներ ունի կենտրոնական պաշտպանի գոտում

Եվրոպա լիգայի 1/16 եզրափակչի «Բրագայի» դեմ առաջին խաղի ժամանակ (0:2) «Ռոմայի» միանգամից երկու ֆուտբոլիստներ վնասվածք ստացան և ստիպված էին փոխարինվել։

Հանդիպման մեկնարկից 7 րոպե անց կիսապաշտպան Բրայան Քրիստանտեն փոխարինվեց, իսկ 53-րդ րոպեին արդեն՝ պաշտպան Ռոջեր Իբանյեսը, որոնց մասնակցությունը կասկածի տակ է իտալական Ա սերիայի 23-րդ տուրի՝ «Բենևենտոյի» դեմ կայանալիք արտագնա հանդիպմանը։

Ինչպես տեղեկացնում է Football Italia-ն, «գայլերը» մնացել են միայն երկու կենտրոնական պաշտպաններով։ Խոսքը Ջանլուկա Մանչինիի և Ֆեդերիկո Ֆասիոյի մասին է։

Ավելի վաղ վնասվածքների պատճառով «Ռոմայի» շարքերից դուրս էին մնացել Քրիս Սմոլինգը, Մարաշ Կումբուլան և Դավիդե Սանտոնը։

Աղբյուրը ենթադրում է, որ կենտրոնական պաշտպանի դիրքում հանդես կգան Լեոնարդո Սպինացոլան և Ժորդան Վերետուն։

Ներկա պահին Պաուլու Ֆոնսեկայի թիմը, Ա սերիայում անցկացրեծ 22 հանդիպումներից հետո, վաստակել է 43 միավոր և եզրափակում է լավագույն եռյակը։

«Բենևենտո» – «Ռոմա» հանդիպումը կմեկնարկի փետրվարի 21-ին՝ Երևանի ժամանակով 23։45-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am