Հայտնի դարձավ առաջին ակումբը, որը հաջորդ մրցաշրջանում կխաղա ԱՊԼ-ում

Հայտնի դարձավ առաջին ակումբը, որը հաջորդ մրցաշրջանում կխաղա ԱՊԼ-ում

17/04/2021 - 20:02

Անգլիական Չեմպիոնշիփի շրջանակում կայանում են 42-րդ տուրի հանդիպումները։

Մրցաշարային աղյուսակի վերնամասում ընթացող «Վոթֆորդն» ու «Սուոնսին» այս տուրում չկարողացան հաղթել իրենց մրակցիներին։ «Վոթֆորդը» հյուրընկալվելիս 0։1 հաշվով զիջեց «Լութոն Թաունին», իսկ «կարապները» իրենց հանդիպումը սեփական հարկի տակ ոչ-ոքի՝ 2։2 հաշվով ավարտեցին առաջնության ակնհայտ հետնապահ «Ուիկոմ Վոնդերերսին»։

«Նորվիչը», որը վաստակած 90 միավորով գլխավորում է Չեմպիոնշիփի մրցաշարային աղյուսակը, մրցակցիների սայթաքումների շնորհիվ նվաճեց Պրեմիեր լիգայի ուղեգիր և հաջորդ մրցաշրջանում հանդես կգա Անգլիայի բարձրագույն դիվիզիոնում։ «Դեղձանիկները» առաջնության ավարտից 4 տուր առաջ արդեն, միանշանակ, չեն կարող նահանջել 3-րդ հորիզոնական, որը 76 միավորով զբաղեցնում է «Սուոնսին»։

«Վոթֆորդն» էլ 82 միավորով 2-րդն է։

Հավելենք, որ 42-րդ տուրում «Նորվիչն» իր հանդիպումը դեռևս չի էլ անցկացրել։ Դանիել Ֆարկեի թիմը ապրիլի 17-ի սեփական հարկի տակ կմրցի «Բորնմութի» դեմ։

Այսպիսով, «Նորվիչը» մեկ տարվա դադարից հետո վերադառնում է ֆուտբոլային էլիտա։

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023