Չեմպիոնների լիգայի հանդիպումն առաջին անգամ կսպասարկի կին մրցավար

Հայտնի են դարձել Չեմպիոնների լիգայի 2020/21 խաղարկության խմբային փուլի 5-րդ տուրի հանդիպումների մրցավարները։

Ինչպես տեղեկացնում է ՈՒԵՖԱ-ի պաշտոնական կայքը, G խմբի շրջանակում կայանալիք «Յուվենտուս» – «Դինամո Կիև» հանդիպումը կսպասարկի կին մրցավար Ստեֆանի Ֆրապարը։

Ֆրանսիացի մրցավարին եզրերում կօգնեն Հիշամ Զակրանին և Մեհդի Ռահմունին։ Պահեստային մրցավարը կլինի Կարիմ Աբեդը, իսկ VAR համակարգի սենյակում կաշխատի Բենուա Միյոն։

Հավելենք, որ Չեմպիոնների լիգայի շրջանակում առաջին անգամ է լինելու, որ հանդիպումը սպասարկելու է կին մրցավար։ Ֆրապաը սպասարկել է նաև Եվրոպայի Սուպեր գավաթի 2019 թվականի հանդիպումը, որի շրջանակում «Լիվերպուլը» 11 մետրանոց հարվածաշարի օգնությամբ հաղթեց «Չելսիին»։