Չագլար Սոյունչուն կհամալրի իսպանական գրանդի շարքերը

«Լեսթերի» կենտրոնական պաշտպան Չագլար Սոյունչուն կարիերան կշարունակի «Ատլետիկո Մադրիդի» կազմում։

Ինչպես հայտնում է ինսայդեր Նիկոլո Սկիրան, թուրք պաշտպանը «հնդկացիների» շարքերը համալրելու է ազատ գործակալի կարգավիճակում. նրա գործող պայմանագիրն «աղվեսների» հետ ավարտվում է 2023 թ. հունիսի 30-ին, որը կողմերը չեն երկարաձգելու։

26-ամյա ֆուտբոլիստը նոր ակումբի հետ պայմանագիրը կնքելու է մինչև 2027 թ. հունիսի 30-ը։

Աղբյուրի փոխանցմամբ` բազմաթիվ գրանդ ակումբներ ցանկացել են պայմանագիր կնքել Սոյունչուի հետ, սակայն վերջինս դեռևս 2022 թ. դեկտեմբերին նախնական համաձայնության է հասել «Ատելտիկոյի» հետ։

Հավելենք, որ Չագլար Սոյունչուն «Լեսթերի» շարքերը համալրել է 2018 թ. օգոստոսին, որի կազմում մինչ օրս անցկացրել է 129 հանդիպում` դառնալով 3 գոլի և 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am