Շախմատի համաշխարհային օլիմպիադա. Հայաստանը հաղթեց Իսպանիային

Շախմատի համաշխարհային օլիմպիադա. Հայաստանը հաղթեց Իսպանիային

09/08/2022 - 13:12

Հնդկաստանի Չենայ քաղաքում մոտենում է ավարտին շախմատի համաշխարհային օլիմպիադիան։

Այսօր` օգոստոսի 9-ին, կայանում են վերջին` 11-րդ տուրի պարտիաները, որի շրջանակում Հայաստանի տղամարդկանց հավաքականը մրցեց Իսպանիայի ընտրանու դեմ` հաղթելով 2.5-1.5 հաշվով։

Արման Փաշիկյանի սաներին հաղթանակ պարգևեց Գաբրիել Սարգսյանը, ով առաջին խաղատախտակի վրա առավելության հասավ Ալեքսեյ Շիրովի նկատմամ։

Մյուս խաղատախտակների վրա Հրանտ Մելքումյանը, Ռոբերտ Հովհաննիսյանն ու Մանուել Պետրոսյանն իրենց պարտիաներն ավարտեցին ոչ-ոքի։

Նշենք, որ այս հաղթանակից հետո Հայաստանի հավաքականը վաստակեց 19 միավոր և նվազագույնը դառնալու է մրցաշարի արծաթե մեդալակիր։

Հավելենք, որ մրցաշարային աղյուսակը գլխավորող Ուզբեսկտանի հավաքականն էլ նույն` 2.5-1.5 հաշվով հաղթեց Նիդեռլանդների ընտրանուն, ինչից հետո նույնպես վաստակեց 19 միավոր։

Մրցաշարային աղյուսակի վերջնական տեսքը և չեմպիոնի տիտղոսի ճակատագիրը պարզ կդառնա վերջին տուրի ավարտից հետո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023