Մի շարք գրանդ ակումբներ հետաքրքրված են Լեսթերի կիսապաշտպանի ծառայություններով

«Լեսթերի» կիսապաշտպան Յուրի Տիլեմանսը հայտնվել է մի շարք գրանդ ակումբների ուշադրության կենտրոնում։

Ինչպես տեղեկացնում է AS-ը, բելգիացի ֆուտբոլիստի ծառայություններով հետաքրքրված են «Բարսելոնան», «Ռեալ Մադրիդը» և «Մանչեսթեր Յունայթեդը»։

Աղբյուրի փոխանցմամբ` 24-ամյա կիսապաշտպանի` մանկունյական ակումբ տեղափոխությունը մեծապես կախված է Պոլ Պոգբայի ճակատագրից։

Հավելենք, որ Յուրի Տիլեմանսի ու «աղվեսների» միջև գործող պայմանագիրն ավարտվում է 2023 թ. հունիսի 30-ին։

Բելգիացի կիսապաշտպանը «Լեսթերի» գույները պաշտպանում է 2019 թ. հունվարի 31-ից և մինչ այժմ ակուկբի կազմում անցկացրել է 112 հանդիպում` դառնալով 18 գոլի և 19 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am