Մեսսիի մամուլի ասուլիսի ամենակարևոր հատվածները
11/08/2021 - 16:37
Լեո Մեսսիի` ՊՍԺ տեղափոխությունն այլևս իրականություն է. արգենտինացի ֆուտբոլիստը նոր ակումբի հետ կնքել է 2 տարվա պայմանագիր` տարեկան 35 մլն եվրո աշխատավարձով։
34-ամյա ֆուտբոլիստը «Պարի Սեն-Ժերմենի» կազմում հանդես է գալու «30» համարի մարզաշապիկով։
Օգոստոսի 11-ին «Պարկ դե Պրենս» մարզադաշում Լեո Մեսսին և ՊՍԺ-ի նախագահ Նասեր Ալ-Խելայֆին մամուլի ասուլիս են տվել։
Սկզբում խոսել է փարիզյան ակումբի նախագահը` ներկայացնելով Մեսսիին` որպես ՊՍԺ-ի ֆուտբոլիստ, այնուհետև խոսքը փոխանցվել է Լեո Մեսսիին։
Այժմ կետ առ կետ ներկայացնում ենք արգենտինացի ֆուտբոլիստի մամուլի ասուլիսի ամենակարևոր հատվածները.
- Ես շատ երջանիկ եմ։ Դժվար էր հեռանալ «Բարսելոնայից», սակայն ՊՍԺ տեղափոխությունից հետո ես երջանիկ եմ։
- Անհամբերությամբ սպասում եմ մարզումների մեկնարկին, քանի որ ցանկանում եմ ծանոթանալ նոր թիմակիցներիս հետ և սկսել կարիերայիս նոր փուլը։
- Շնորհակալ եմ ՊՍԺ-ի ղեկավարությանը։ Ամեն ինչ հիանալի ընթացավ։ Շնորհակալ եմ նաև նմամ ընդունելության համար։
- ՊՍԺ-ն շատ արագ գործեց այն պահից սկսած, երբ «Բարսելոնան» հանդես եկավ հայտարարությամբ։
- Այնպիսի հաղթելու ցանկություն ունեմ, ինչպես նախկինում է եղել։ Այստեղ այնպիսի հզոր կազմ է հավաքվել։ Մենք պատրաստ ենք տիտղոսներ նվաճել, այդ պատճառով էլ ես պայմանագիր եմ կնքել։
- Շնորհակալ եմ բոլոր երկրպագուներին։ Մենք դեռ շատ ժամանակ կունենանք հանդիպել և շփվել, ինչը հնարավոր է ինչպես մարզադաշտում, այնպես էլ Փարիզում։
- Չեմպիոնների լիգան հաղթելը շատ դժվար է, քանի որ ուժեղ կազմ է անհրաժեշտ։ Հաջաղությունը նույնպես կարևոր գործոն է։ Երբեմն նույնիսկ ամենաուժեղ ակումբներին չի հաջողվում տիտղոսներ նվաճել։
- Եվս մեկ Չեմպիոնների լիգա հաղթելն իմ նպատակն ու երազանքն է։ Կարծում եմ` ՊՍԺ-ն լավագույն ակումբն է, որպեսզի կրկին հաղթեմ ՉԼ-ն։ «Փարիզը» նոր տրանսֆերներ է իրականացրել, սակայն առանց դրա էլ մոտ է եղել Չեմպիոնների լիգան հաղթելուն։
- Ես շատ եմ ցանկանում խաղալ. ֆուտբոլն ամենուր նույնն է։ Հանդերձարանի ընկերներս ինձ հեշտ կհարմարվեն։
- Ես չգիտեմ, թե երբ կնշեմ նորամուտս ՊՍԺ-ի կազմում, քանի որ մեկ ամիս չեմ մարզվել. նոր եմ վերադարձել արձակուրդից։ Հնարավոր է` դա հնարավորինս շուտ տեղի կունենա։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Լեո Մեսսի, Նասեր Ալ-Հելայֆի, Չեմպիոնների-լիգա, ՊՍԺ, տրանսֆերներ