Մեկ դրվագում` 3 սեյվ. Ուտրեխտի դարպասապահի ֆանտաստիկ խաղը Այաքսի դեմ հանդիպմանը🎥

Անցնող ֆուտբոլային Weekend-ը լի էր բազում անակնկալ հանդիպումներով։

«Այաքսը», որը Էրեդիվիզիայի շրջանակում չէր պարտվում արդեն 10 ամիս, 2021/22 մրցաշրջանի 8-րդ տուրի շրջանակում սեփական հարկի տակ 0:1 հաշվով անակնալ զիջեց «Ուտրեխտին»։

Հանդիպման միակ գնդակը խփվեց 77-րդ րոպեին, որն իր անվան դիմաց գրանցեց հյուրերի պաշտպան Ջանգո Վարմերդամը։

Նախքան բաց թողած գոլը, «Այաքսի» ֆուտբոլիստները 56-րդ րոպեին հաշիվը բացելու հիանալի պահ բաց թողեցին, քանի որ մեկ դրվագում «Ուտրեխտի» դարպասապահ Մարտեն Պայեսը երեք անգամ փրկեց իր թիմին։

Այդ դրվագում երկու անգամ վրիպեց Սեբաստիան Հալերը, մեկ անգամ էլ` Նիկոլաս Տալյաֆիկոն։

Նշենք, որ այդ խաղում 23-ամյա դարպասապահն իր անվան դիմաց գրանցել է 6 սեյվ։

Հավելենք, որ «Այաքսը» վերջին անգամ Էրեդիվիզիայի շրջանակում պարտություն կրել էր 2020 թ. դեկտեմբերի 5-ին, երբ սեփական հարկի տակ 1:2 հաշվով պարտվեց «Տվենտեին»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am