Հայաստանի 2018-19 թ. առաջնության լավագույն ռմբարկուն հեռացել է Լոռիից
«Լոռի» ՖԱ-ն տեղեկացնում է, որ Ջոնել Դեսիրեի վարձակալությունը ակումբում ավարտվել է, և ֆուտբոլիստի բոլոր իրավունքները կրկին պատկանում են Հայիթին ներկայացնող «Միրեբալայիս» ակումբին:
«Երկարատև և ծանր բանակցությունները, ցավոք, արդյունք չտվեցին, և «Լոռին» չկարողացավ ընդհանուր հայտարարի գալ Դեսիրեի ակումբի հետ՝ ֆուտբոլիստին Վանաձորում պահելու հարցում»,- գրված է հայտարարությունում:
Ջոնել Դեսիրեն «Լոռիի» կազմում մասնակցել է 30 հանդիպման, դարձել 17 գոլի և 5 գոլային փախանցման հեղինակ: Հայիթիի ազգային հավաքականի հարձակվողը ճանաչվել է Հայաստանի Բարձրագույն խմբի առաջնության 2018/19 թթ. մրցաշրջանի լավագույն ռմբարկու:
«Լոռի» ՖԱ-ն շնորհակալություն է հայտնել Դեսիրեին կատարած մեծ աշխատանքի, բարձր պրոֆեսիոնալիզմի և նվիրվածության համար: Ակումբը հաջողություն է մաղթել Ջոնելին հետագա ընթացքում:
# Լոռի, Ջոնել-Դեսիրե