Կոուտինիոյի ֆանտաստիկ վերադարձն ԱՊԼ. Աստոն Վիլլան ու ՄՅՈՒ-ն հիասքանչ խաղում չպարզեցին հաղթողին🎥

Անգլիական Պրեմիեր լիգայի 22-րդ տուրի շրջանակում «Մանչեսթեր Յունայթեդը» հյուրընկալվելիս մրցեց «Աստոն Վիլլայի» դեմ։

Կարելի է ասել` մանկունյական ակումբը հանդիպումն սկսեց հաղթողի կարգավիճակում, քանի որ արդեն 6-րդ րոպեին բացեց խաղի հաշիվը. Բրունո Ֆերնանդեշի հեռահար հարվածից հետո անչափ անհաջող գործեց «Վիլլայի» դարպասապահ Էմիլիանո Մարտինեսը և գնդակն ոտքերի արանքով բաց թողեց դեպի դարպասը։

Խփած գոլից հետո էլ «Յունայթեդը» ավելի լավ տեսք ուներ և վերահսկում էր հանդիպման ընթացքը, սակայն առաջին կեսի միջնամասից սկսած տանտերերը տիրեցին նախաձեռնությանը և մի շարք գոլային պահեր ստեղծեցին, սակայն «կարմիր սատանաներին» մի քանի անգամ փրկեց դարպասապահ Դավիդ դե Խեան։

Երկրորդ կեսի մեկնարկից Սթիվեն Ջերարդի սաները նետվեցին առաջ` փրկելու հանդիպումը։

49-րդ րոպեին «Վիլլա Պարկի» լուսատախտակին 1:1 հաշիվը կարող էր վառել Ջեյքոբ Ռեմզին, ում հարվածից հետո կրկին փայլեց դե Խեան։

Գրոհեցին տանտերերը, սակայն 67-րդ րոպեին Ռալֆ Ռանգնիկի սաները նետվեցին կտրուկ հակագրոհի ու կրկնապատկեցին իրենց առավելությունը. կրկին գոլի հեղինակ դարձավ Բրունո Ֆերանդեշը` իր անվան դիմաց գրանցելով դուբլ։

Թվում էր` հյուրերը գործնականում հանեցին հաղթողի վերաբերյալ բոլոր հարցերը, սակայն բաց թողած երկրորդ գոլից անմիջապես հետո Սթիվեն Ջերարդը դաշտ դուրս բերեց թիմի նորեկ Ֆիլիպե Կոուտինիոյին, ով 4 տարի անց վերադարձավ անգլիական Պրեմիեր լիգա։

Այդ փոփոխությունը պարզապես բեկեց հանդիպման ընթացնքն, իսկ Բիրմինգհեմը ներկայացնող ակումբը ոչ միայն կրճատեց, այլև հավասարեցրեց հաշիվը։

Նախ 77-րդ րոպեին Կոուտինիոյի փոխանցումից հետո աչքի ընկավ Ջեյքոբ Ռեմզին, ապա 82-րդ րոպեին Ռեմզին բրազիլացի ֆուտբոլիստին վերադարձրեց «պարտքը», ինչից հետո Կոուտինիոն հավասարեցրեց խաղի հաշիվը։

Խաղավարտին մոտ այլևս գոլեր չգրանվեցին, իսկ հանդիպումն ավարտվեց 2:2 հաշվով։

Այս ոչ-ոքիից հետո «կարմիր սատանաները» վաստակեցին 32 միավոր և զբաղեցնում են 7-րդ հորիզոնականը։

«Աստոն Վիլլան», 23 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am