ԿՈՆԿԱԿԱՖ -ը կարգապահական հետաքննություն է սկսել Սուրինամի փոխնախագի մասնակցությամբ հանդիպման վերաբերյալ

Ինչպես արդեն տեղյակ եք, ԿՈՆԿԱԿԱՖ -ի լիգայի 1/8 եզրափակիչի «Ինտեր Մոենգոտապոե» 0:6 «Օլիմպիա» հանդիպման ընթացքում արտառոց դեպք է գրանցվել։

Այդ հանդիպմանը մասնակցել է նաև Սուրինամի 60-ամյա փոխնախագահ Ռոնի Բրյունսվեյկը` դաշտում անցկացնելով 54 րոպե։

Համացանցում տեսանյութ է հրապարակվել, որտեղ հստակ երևում է, թե ինչպես է Բրյունսվեյկը, ով «Ինտերի» սեփականատերն է, խաղից հետո գումար բաժանում մրցակցի ֆուտբոլիստներին։

ԿՈՆԿԱԿԱՖ-ն այդ դեպքի կապված կարգապահական հետաքննություն է սկսել։

«Մենք խիստ անհանգստանում ենք այն տեսանյութի բովանդակությամբ, որը տարածված է սոցիալական ցանցերում` կապված «Ինտեր Մոենգոտապոե» 0:6 «Օլիմպիա» հանդիպման հետ։

Գործը փոխանցվել է ԿՈՆԿԱԿԱՖ-ի Կարգապահական հանձնաժողով, որը պաշտոնական հետաքննություն կսկսի»,- նշված է հայտարարության մեջ։

Հիշեցնենք, որ Ռոնի Բրյունսվեյկը, մասնակցելով այդ հանդիպմանը, դարձել է ԿՈՆԿԱԿԱՖ-ի լիգայի շրջանակում երբևէ դաշտ դուրս եկած ամենատարեց ֆուտբոլիստը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am