Լեգանեսի նկատմամբ հաղթանակը և խփած գնդակը Լեո Մեսսիի համար դարձել են հոբելյանական

Իսպանիայի գավաթի շրջանակում «Բարսելոնան» 5։0 հաշվով հաղթեց «Լեգանեսին»։

Այս հաղթանակը թիմի ավագ Լեո Մեսսիի համար ակումբի կազմում բոլոր մրցաշարերում դարձավ 500-րդը։ Արգենտինացի խաղացողը «Բարսելոնայի» կազմում մասնակցել է 710 հանդիպման՝ դառնալով 622 գոլի հեղինակ։

Բացի այդ արդյունքից՝ Մեսսին ևս մեկ տպավորիչ ցուցանիշ է գրանցել։ Դառնալով դուբլի հեղինակ՝ իսպանական մրցաշարերի կազմում հեղինակեց 499-րդ և 500-րդ գոլերը։

Իսպանական ֆուտբոլի պատմության մեջ Լեո Մեսսին դարձավ առաջին ֆուտբոլիստը, ում հաջողվել է ակումբային մակարդակով տոնել 500 հաղթանակ։

Լավագույնների թվում են նաև Խավին (482 հաղթանակ), Իկեր Կասիլիասը (463), Անդրես Ինիեստան (459), Անդոնի Սուբիսարետան (444), Սերխիո Ռամոսը (439)։