Թենիս. Էշլի Բարթին հայտարարել է կարիերան ավարտելու մասին

Թենիս. Էշլի Բարթին հայտարարել է կարիերան ավարտելու մասին

23/03/2022 - 11:46

Թենիսի WTA դասակարգման աղյուսակի 1-ին ռակետ Էշլի Բարթին հայտարարել է կարիերան ավարտելու մասին.

«Ես գիտեմ, որ արդեն մեկ անգամ ավարտել եմ կարիերաս, սակայն այժմ լրիվ այլ զգացողություններ ունեմ։

Ես շատ երախտապարտ եմ թենիսին այն ամենի համար, ինչ այն տվել է ինձ։ Ես իրականցրել եմ իմ բոլոր երազանքները։

Այդուհանդերձ, եկել է հեռանալու և այլ երազանքների իրականացնելու ժամանակը»,- Բարթիի խոսքերը մեջբերում է WTA-ի պաշտոնական կայքը։

Նշենք, որ Էշլի Բարթին թենիսի Մեծ սաղավարտի եռակի չեմպիոն է (Ռոլան Գարոս-2019, Ուիմբլդոն-2021 և Ավստրալիայի բաց առաջնություն-2022), իսկ ընդհանուր առմամբ հաղթել է WTA-ի 15 մրցաշար։

Էշլի Բարթին արդեն 119 շաբաթ գլխավորում էր WTA դասակարգման աղյուսակը, ինչը թենիսի պատմության 7-րդ լավագույն ցուցանիշն է։

Հատկանշական է, որ Բարթին 2014 թ. սեպտեմբերին 18 տարեկանում արդեն մեկ անգամ ավարտել էր թենիսիստի կարիերան և տևական ժամանակ պրոֆեսիոնալ մակարդակով զբաղվում էր կրիկետով, սակայն 2016 թ. փետրվարին հայտարարեց մեծ կորտ վերադառնալու մասին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023