Ընկերական հանդիպում. Ռուսաստանը ջախջախեց Սերբիային🎥

Ռուսաստանի հավաքականը Մոսկվայի «ՎՏԲ Արենա» մարզադաշտում ընկերական հանդիպում անցկացրեց Սերբիայի դեմ։

Ռուսները հանդիպման հենց մեկնարկում ստացան քանակական առավելություն և չորս անպատասխան գնդակ ուղարկեցին Բելգրադից ժամանած հյուրերի դարպասը։

Վալերի Կարպինի թիմից մեկական գոլ խփեցին Անտոն Միրանչուկը, Մաքսիմ Օսիպենկոն, Ալեքսեյ Միրանչուկն ու Իվան Սերգեևը։

Սերբերի կազմից 21-րդ րոպեին վերջին հույսի խախտման համար դաշտից հեռացվեց պաշտպան Միլոշ Գայչը։

Նշենք, որ Ռուսաստանի հավաքականը հաջորդ հանդիպումը կանցկացնի մարտի 25-ին և կմրցի Պարագվայի դեմ։

Սերբերը նույն օրը Լառնակայում ընկերական հանդիպում կանցկացնեն Կիպրոսի հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am