Ընդհանուր առմբամբ որքա՞ն է Մարկո Ռոյսը բաց թողել տարբեր վնասվածքների պատճառով

Օրեր առաջ՝ մայիսի 31-ին, «Դորտմունդի Բորուսիայի» ավագ Մարկո Ռոյսը դարձավ 31 տարեկան։

Այդ առթիվ ռուսական հանրահայատ «Матч ТВ» ռուսական հեռուստաալիքը Twitter-ի իր պաշտոնական օգտահաշվում լուսանկար էր հրապարակել, որտեղ ներկայացրել է Մարկո Ռոյսի բոլոր վնասվածքների ընդհանուր բնութագիրը, և թե ողջ կարիերայի ընթացքում գերմանացի կիսապաշտպանը որքա՞ն է բաց թողել բոլոր վնասվաքծները միասին վերցրած։ Ուրեմն այսպես․

10 օր – որովայնի շրջանի մկանի ձգում

14 օր – ազդրի հետ կապված խնդիրներ

15 օր – վնասվածք, որը կապված է կրնկի հատվածում գտնվող ոսկորի հետ

19 օր – խնդիրներ ծնկի հետ

23 օր – նախագարշապարի վնասվածք

37 օր – ոտքի մատի կոտրվածք

66 օր – ոտնաթաթի շրջանի հոդի պատռվածք

73 օր – ձախ ձեռքի երկգլխանի մկանի պատճռվածք

88 օր – ազդրի «առաջատար» մկանի վնասվածք

164 օր – այլ մկանային վնասվածքներ

176 օր – ոսկրածուծի բորբոքում

190 օր – կոճի ներհոդային պատռվածք

220 օր – ծնկի խաչաձև կապանների պատճռվածք

Նշենք, որ ընդհանուր առմամբ Մարկո Ռոյսը տարբեր վնասվածքների պատճառով բաց է թողել 1095 օր, ինչը կազմում է 3 տարի։