Եվրոպական գրանդն առաջարկ է պատրաստում Պոգբայի համար

«Մանչեսթեր Յունայթեդի» կիսապաշտպան Պոլ Պոգբայի ապագան շարունակում է մնալ մշուշոտ, և բացառված չէ, որ ֆրանսիացի ֆուտբոլիստն ընթացիկ տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է իտալացի ինսայդեր Նիկոլո Սկիրան, ՊՍԺ-ն լրջորեն հետաքրքրված է 28-ամյա կիսապաշտպանի ծառայություններով։

Աղբյուրի փոխանցմամբ` կողմերի միջև դեռևս բանակցություններ չեն սկսվել, սակայն ՊՍԺ-ն առաջարկ է նախապատրաստում Պոգբային գնելու համար։

Սկիրան գրում է նաև, որ փարիզյան ակումբի սպորտային տնօրեն Լեոնարդոն մշտապես կապի մեջ է Պոգբայի գործակալ Մինո Ռայոլայի հետ։

Սպասվում է, որ ֆրանսիացի ֆուտբոլիստի վաճառքից «կարմիր սատանաները» նվազագույնը կստանան 50 մլն եվրո։

հավելնք, որ Պոգբայի ու «Յունայթեդի» գործող պայմանագիրն ավարտվում է 2022 թ. հունիսի 30-ին։

Հիշեցնենք, որ Պոլ Պոգբան «Մանչեսթեր Յունայթեդի» կազմում հանդես է գալիս 2016 թ. օգոստոսից և մինչ այս պահը մանկունյական ակումբի կազմում անցկացրել է 206 հանդիպում` դառնալով 38 գոլի և 42 գոլանին փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am