Գալահեր. «Չելսին ավելի վտանգավոր պահեր ուներ, քան Ռեալը»

Չեմպիոնների լիգայի 1/4 եզրափակիչի պատասխան խաղում «Չելսին» սեփական հարկի տակ 0:2 հաշվով պարտվեց «Ռեալ Մադրիդին»` լքելով հետագա պայքարը։

Հանդիպումից հետո «ազնվականների» կիսապաշտպան Կոնոր Գալահերը կիսվել է տպավորություններով.

«Լավ էինք խաղում։ «Չելսին» ավելի վտանգավոր պահեր ստեղծեց, քան «Ռեալը», սակայն ֆուտբոլում ամեն ինչ կապված է դրանք իրացնելու հետ, ինչը մեզ չհաջողվեց։

Իհարկե, մեզ կքննադատեն, բայց ինչ-որ առումով, կարծում եմ, մենք լավ խաղացինք։

Պահերի իրացումը բերում է հաղթանակների, ինչը մեզ մոտ բացակայում է։ Ընդ որում, պետք է նշեմ, որ այսօր զգալի բարելավում է նկատվել մեր նախորդ խաղերի համեմատ։

Եթե ցանկանում ես հաղթել, պետք է գոլի հեղինակ դառնաս, ինչն էլ արեց մրցակիցը։

Մենք մեծ ուժերով գրոհում էինք, և վտանգ կար, որ հակագրոհներ բաց կթողնենք։

Բոլորը շատ հիասթափված են, սակայն, կրկնում եմ, մեր խաղում բավական առաջ ընթաց կա նախորդ հանդիպումների համեմատ։

Միշտ պետք է ինչ-որ բանի ձգտել։ Ողջ թիմով ուզում ենք ավելի ուժեղ դառնալ և մինչև մրցաշրջանի ավարտը հաղթել ավելի շատ հանդիպումներ։

Հուսով եմ՝ կարող ենք զարգացնել այն, ինչ ցույց ենք տվել, քանի որ զգում եմ, որ դրական պահեր եղել են»,- անգլիացի ֆուտբոլիստի խոսքերը մեջբերում է ՈՒԵՖԱ-ի պաշտոնական կայքը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am