Բորուսիան գտել է Սանչոյի փոխարինողին

Ինչպես տեղեկացնում է The Times-ը, «Լիլի» վինգեր Ջոնաթան Իկոնեն, հնարավոր է, կարիերան շարունակի «Բորուսիա Դորտմունդի» կազմում։

Աղբյուրի փոխանցմամբ՝ գերմանական ակումբը 22-ամյա ֆրանսիացի ֆուտբոլիստին դիտարկում է որպես Ջեյդոն Սանչոյի փոխարինող, եթե անգլիացի վինգերը հեռանա ակումբից։ Իկոնեն գնահատվում է 45 մլն եվրո։ Հավելենք, որ Սանչոյի ծառայություններով հետաքրքրված է «Մանչեսթեր Յունայթեդը»։

Իկոնեն Լիգա 1-ի անավարտ մնացած մրցաշրջանում «Լիլի» կազմում մասնակցել է 28 հանդիպման՝ դառնալով 3 գոլի և 6 գոլային փոխանցման հեղինակ։